༄༅།། དེ་རིང་འདིར་བོད་ནས་གསར་དུ་ཕེབས་པའི་སྐུ་ཞབས་དགེ་འདུན་པ་རྣམ་པ་དང༌། བཙུན་མ་རྣམ་པ། དེ་བཞིན་བོད་ཆོལ་གསུམ་རིས་མེད་ནས་ཕེབས་པའི་སྤུན་ཟླ་ཡོངས་ལ་ཞུ་རྒྱུར། བོད་ནས་གསུང་ཆོས་དང་གནས་མཇལ་དུ་ཕེབས་མཁན་མང་པོ་འདུག་ཅེས་གོ་བ་ཡིན་ཙང་དེ་རིང་ཆེད་མངགས་འཚམས་འདྲི་ཞུ་རྒྱུ་དང༌། བར་ལམ་གྱི་གནས་ཚུལ་སྐོར་སྙན་གསན་ཞུས་ན་བསམས་ཏེ་བཅར་བ་ཡིན།

༄༅། །བོད་རྒྱ་དམར་གྱིས་དྲག་གནོན་བཙན་བཟུང་བྱས་པ་ནས་བཟུང་ད་བར་རྒྱ་མིས་བོད་དུ་སྲིད་སྐྱོང་ཚུལ་རྒྱལ་སྤྱིའི་ཁྲིམས་ལུགས་དང་བོད་མིའི་མངོན་འདོད་གཉིས་དང་འགལ་བའི་སྤྱོད་ངན་ལོ་རྒྱུས་སུ་མ་གྲགས་པ་ཞིག་བྱས་དང་བྱེད་བཞིན་པ་རེད།