སྐབས་བཅིུག་པའི་སྤྱི་འཐུས་ལྷན་ཚོགས་ཀྱི་འདས་པའི་ཚོགས་དུས་རིམ་པ་བདུན་གྱི་ནང་ལ་ཚོགས་འདུའི་དབུ་འཛུགས་དང་མཇུག་བསྡོམས། དེ་བཞིན་བར་དུ་གོ་སྐབས་མང་པོ་བླངས་ནས་ཚོགས་གཙོའི་ངོས་ནས་གྲོས་ཚོགས་ཀྱི་རིང་ལུགས་དང་ལྟ་བའི་རྣམ་གཞག སྤྱིར་བཏང་མང་གཙོའི་ལྟ་གྲུབ་དང་འབྲེལ་བའི་གནས་ཚུལ། ཁྲིམས་བཟོ་དང་འཛིན་སྐྱོང་ཁྲིམས་གཅོད་པ་བཅས་ཀྱི་ལས་དོན་བྱེད་ཕྱོགས།
ྋགོང་ས་མཆོག་གི་དམིགས་བསལ་སྐུ་དབང་རིགས་གྲོས་ཚོགས་སུ་བགྲོ་གླེང་མི་ཆོག་པ་དང༌། ྋགོང་ས་མཆོག་ནས་ཁྲིམས་སྒྲིག་ལ་བརྩི་སྲུང་ཇི་གནང་སྐོར། བཅའ་ཁྲིམས་ཀྱི་དགོངས་དོན་གཞིར་བཟུང་ྋགོང་ས་སྐྱབས་མགོན་ཆེན་པོ་མཆོག་བོད་རྒྱལ་ཁབ་ཀྱི་བླ་ན་མེད་པའི་དབུ་ཁྲིད་དང་གཙོ་འཛིན་ཡིན་པའི་ཆ་ནས་བཅའ་ཁྲིམས་ནང་དམིགས་ཀྱིས་བསལ་བའི་སྐུ་དབང་དེ་རིགས་གྲོས་ཚོགས་ནང་བགྲོ་གླེང་བྱེད་རྒྱུའི་གླེང་གཞི་ཞིག་ལ་སླེབས་ཆོག་གི་ཡོད་མ་རེད།
བཀའ་ཤག་གི་གསལ་བཤད་ཐོག་བགྲོ་གླེང་བྱུུང་བའི་སྐོར་གྱི་ལན་དང༌། ཐེ་ཝན་དུ་སྐབས་གཉིས་པའི་སྐུ་ཚབ་ཕེབས་སྐོར་གྱི་གསལ་བཤད་མདོར་བསྡུས་གཉིས་ཀ་གྲུབ་སོང༌། ལམ་སྲོལ་བྱས་པ་ཡིན་ན་སྐབས་གཉིས་པའི་སྐུ་ཚབ་སྐོར་དེ་ཁ་སང་བཀའ་ཤག་གི་གསལ་བཤད་ནང་ལ་མ་ཚུད་པའི་གསལ་བཤད་ཟུར་པ་ཞིག་ཡིན་ཙང༌།
འཛིན་སྐྱོང་དང་གྲོས་ཚོགས་ཀྱི་འབྲེལ་བ་དང༌། རྩིས་ཁྲ་ཁམས་དྭངས་དགོས་གནད་སོགས། བཙན་བྱོལ་བོད་མིའི་བཅའ་ཁྲིམས་ཀྱི་དགོངས་དོན་ལྟར་གྲོས་ཚོགས་ཀྱི་སྔོན་རྩིས་གཏན་འབེབས་ཐེངས་གསུམ་པ་དེ་རེད། ཚང་མས་རྣམ་དཔྱོད་ཀྱི་ནུས་པ་དང་ཤེས་རབ་ཀྱི་རྩལ་བཏོན་ནས་འབད་བརྩོན་བྱས་ཡོད། འཛིན་སྐྱོང་གིས་གྲོས་ཚོགས་ལ་འགན་ཁུར་དང༌། གྲོས་ཚོགས་ཀྱིས་འཛིན་སྐྱོང་ལ་ལམ་སྟོན་གྱི་སྲོལ་ཡོད་པ་རེད།
སྲིད་དོན་ཚོགས་པ་ལ་གཞུང་གིས་འབྲེལ་བ་བྱེད་ཕྱོགས་དང༌། སྲིད་དོན་ཚོགས་པའི་ངོས་འཛིན་སོགས་ལས་འཕྲོས་པའི་གསལ་བཤད། ཐོག་མ་ཁ་སང་གི་བགྲོ་གླེང་ལས་འཕྲོས་ནས་གསལ་བཤད་བྱེད་དགོས་པ་ཁ་ཤས་ཡོད།དེ་ཡང་སྲིད་དོན་ཚོགས་པ་ཁག་གི་སྐོར་ལ་སྤྱི་འཐུས་ཁ་ཤས་ཀྱིས་བཀའ་མོལ་གྱི་ཞོར་ལ་ང་ཚོའི་སྤྱི་ཚོགས་ནང་བོད་པའི་ཚོགས་པ་ཁ་ཤས་སྲིད་དོན་ཚོགས་པར་ངོས་འཛིན་དགོས་པ་དང༌།
ཚོགས་གཙོས་ལམ་སྟོན་ཞུ་རྒྱུར་དཀའ་ངལ་འདུག ལམ་སྟོན་ཞུས་པའི་ལམ་དེའི་ནང་སུས་བསྐྱོད་ཀྱི་རེད། སྔོན་རྒྱ་གར་བའི་སློབ་དཔོན་ཞིག་གིས་དུས་ངན་སྙིགས་མའི་སློབ་དཔོན་ང་ལྟ་བུ་ལ། སློབ་མ་ཁྱོད་ལྟ་བུ་བྱུང་བ་ཡིད་རེ་མུག ཅེས་གསུངས་པའི་ལོ་རྒྱུས་ཡོད་པ་ལྟར། ང་ཚོར་ཡང་དུས་ངན་སྙིགས་མའི་ཚོགས་གཙོ་ང་ལྟ་བུ་ལ། ཚོགས་མི་ཁྱེད་རྣམས་ལྟ་བུ་བྱུང་བ་ཡིད་རེ་མུག ཅེས་ལབ་དགོས་ཉེན་འདུག
ལས་དོན་ཆུང་ཙག་ལའང་ཞིབ་ཚགས་དང༌། དཔལ་འབྱོར་འདུ་འགོད་གཙང་གསལ་དགོས་སྐོར། ངས་སྐབས་འདིར་འགྲེལ་བརྗོད་བྱེད་དགོས་པའི་རྒྱུ་མཚན་ལྟེ་བ་ནི། འཛིན་སྐྱོང་གིས་དོན་གནད་གལ་ཆེ་ཞིག་ལ་ཐུགས་སྣང་གཏན་ནས་མ་གནང་བའི་ཐོག་རྒྱུན་ལས་ཀྱི་དྲི་བའི་ལན་གནང་བའི་སྐབས་ལའང་དབུ་མ་འཚོས་པའི་གནས་ཚུལ་འདི་ཚོ་མཐོང་དུས།
དྲི་བ་དྲིས་ལན་གྱི་རྒྱབ་ལྗོངས་ཀྱི་གནས་ཚུལ་དང༌། དྲི་བ་དྲིས་ལན་གནད་དུ་ཕིག་པ་ཞིག་ཡོང་གི་མེད་ཚུལ། དྲི་བ་དྲིས་ལན་གྱི་ལས་རིམ་འདི་གྲོས་ཚོགས་ཀྱི་ལས་རིམ་རྣམས་ཀྱི་ནང་ནས་གལ་ཆེ་བའི་ལས་རིམ་ཞིག་རེད།
སྔོན་རྩིས་གཏན་འབེབས་ཀྱི་དབང་ཚད་གྲོས་ཚོགས་ལ་བཞག་དགོས་པའི་རྒྱུ་མཚན་དང༌། གཏན་འབེབས་བྱེད་སྟངས་ཀྱི་ལམ་སྲོལ་མི་འདྲ་བ་ཁག བཙན་བྱོལ་གཞུང་གི་དཔལ་འབྱོར་གྱི་ལམ་སྲོལ་སྤུས་དག་ཡོང་མ་ཐུབ་པ་བཅས་ཀྱི་སྐོར།