༄༅།།  ༢༠༢༠ ཕྱི་ཟླ་ ༢ ཚེས་ ༡༢ ཉིན་སྔ་དྲོ་སློབ་དཔོན་ཟམ་གདོང་རིན་པོ་ཆེ་མཆོག་སྦེང་ལོར་ཏཱ་ལའི་བླ་མའི་མཐོ་སློབ་ནས་ཕེབས་ཐོན་གྱིས་སྦེང་ལོར་བརྒྱུད་ཧུབ་ལི་གནམ་ཐང་དུ་འབྱོར་སྐབས་འབྲས་སྤུངས་བློ་གསལ་གླིང་གི་ཕྱག་མཛོད་དང་ཚྭ་བ་ཁང་ཚན་གྱི་ལས་སྣེ་སོགས་ཀྱིས་བསུས་ཏེ་ཉིན་གུང་གསོལ་ཚིགས་ཆེད་ཟ་ཁང་དུ་ཞིག་ཏུ་གདན་འདྲེན་ཞུས།  དེ་ནས་ཕྱི་དྲོ་འབྲས་སྤུངས་བློ་གསལ་གླིང་གྲྭ་ཚང་དུ་ཕེབས་འབྱོར་སྐབས་དབུ་ཆོས་གསུམ་དང་ཕྱག་མཛོད་སོགས་ཀྱིས་བསུས།

༄༅།།  ༢༠༢༠ ཕྱི་ཟླ་ ༢ ཚེས་ ༧ ཉིན་སྔ་དྲོ་སློབ་དཔོན་ཟམ་གདོང་རིན་པོ་ཆེ་མཆོག་དྷ་ས་ནས་ཕེབས་ཐོན་གྱིས་དིལླཱིར་འབྱོར།  ཉིན་རྒྱབ་ཏུ་རྒྱ་གར་མི་སྣར་མཇལ་སྐབས་བསྩལ། ཚེས་ ༨ ཉིན་སྔ་དྲོ་དིལླཱི་ནས་ཕེབས་ཐོན་གྱིས་ཉིན་རྒྱབ་སྦེང་ལོར་ཏཱ་ལའི་བླ་མའི་མཐོ་སློབ་ཏུ་འབྱོར།

ཕྱི་ལོ་ ༢༠༡༩ ལོའི་ཟླ་ ༡༢ ཚེས་ ༧ ཉིན། ༄༅།། འགྲོ་བ་ཀུན་གྱི་མ་འདྲིས་པའི་མཛའ་བཤེས་ཆེན་པོ་༸གོང་ས་༸སྐྱབས་མགོན་༸རྒྱལ་བའི་དབང་པོ་མཆོག་ལ་གུས་ཕྱག་སྔོན་དུ་འགྲོ་བའི་ཐོག་ནས། ༸སྐྱབས་རྗེ་ཀིརྟི་རིན་པོ་ཆེ་མཆོག་གིས་དབུས་པའི་སྐྱབས་ཡུལ་དགེ་འདུན་གྱི་སྡེ། མང་གཙོའི་ཀ་བ་གསུམ་གྱི་མཛད་གཙོ་རྣམ་པ། བགྲོ་གླེང་ཚོགས་འདུར་ཕེབས་པའི་མཁས་དབང་རྣམ་པ། གཞན་ཡང་འདིར་འདུས་པ་ཡོངས་རྫོགས་ལ། ཀིརྟིའི་བྱེས་པ་གྲྭ་ཚང་དང་ཀིརྟིའི་དགེ་རྩ་ཚོགས་པ་ཐུན་མོང་ནས་མ་འོངས་བོད་ཀྱི་བསྟན་འཛིན་གྱི་སྐྱེས་བུ་རབ་བྱུང་ཕོ་མོ་ན་གཞོན་སྐྱེད་སྲིང་མཛད་སྟངས་སྐོར་མཁས་པའི་བགྲོ་གླེང་ཚོགས་འདུ་ཞིག་གནང་སྟེ། དེའི་ཐོག་གཏམ་བཤད་མདོར་བསྡུས་ཤིག་བྱེད་དགོས་ཞེས་སྔོན་མ་ནས་བཀའ་གནང་བྱུང། ཁྱེད་རང་ཚོས་བཀའ་གནང་བ་བཞིན་ཡིག་ཐོག་ཏུ་བྲིས་ཐུབ་མ་སོང། དགོངས་འགལ་མེད་པ་ཞུ་རྒྱུ་ཡིན། དངོས་གནས་བྱས་ན་ངའི་བསམ་ཚུལ་འདི་སང་ཉིན་ཞུ་དགོས་པ་ཞིག་རེད། ཡིན་ནའང་སང་ཉིན་དིལླཱི་ལ་ལས་འཆར་ཞིག་སྔོན་ནས་ཁས་ལེན་ཞུས་ཟིན་པར་བརྟེན། དེ་རིང་སྔ་བསྣུར་བྱེད་དགོས་བྱུང་། དེ་རིང་ཞོགས་པའི་མཛད་འཆར་རིང་པོ་ཆགས་སྟབས། ཚོགས་ཐེངས་འདི་གྲོལ་ནས་བགྲོ་གླེང་བ་ཚོ་རྐྱང་པ་ཚོགས་པའི་སྐབས་སུ་ཞུས་ན་བསམ་པ་བྱུང་ཡང་། གོ་སྒྲིག་གནང་མཁན་ཚོས་སྔོན་མ་འཆར་གཞི་བཟོས་པ་བཞིན་ད་ལྟ་ཞུ་དགོས་གསུང་གི་འདུག དེར་བརྟེན་ངས་བྱ་གཏོང་༸སྙན་སྒྲོན་གྱི་ཚུལ་དུ་མདོར་བསྡུས་ཤིག་ཞུས་ཆོག་པ་ཞུ་རྒྱུ་ཡིན།

༄༅།།  ༢༠༡༩ ཕྱི་ཟླ་ ༡༢ ཚེས་ ༢༩ ཉིན་སློབ་དཔོན་ཟམ་གདོང་རིན་པོ་ཆེ་མཆོག་སྔ་དྲོ་སྦེང་ལོར་ནས་ཕེབས་ཐོན་གྱིས་ཝཱ་རཱ་ཎ་སཱི་བརྒྱུད་ག་ཡཱ་གནམ་ཐང་དུ་འབྱོར་རྒྱུ་ཡིན་རུང་།  གནམ་གྲུ་ཕྱིར་འཐེན་བྱས་པར་བརྟེན། པཊ་ནཱ་བརྒྱུད་ཕྱི་དྲོ་གནས་མཆོག་རྡོ་རྗེ་གདན་དུ་འབྱོར་སྐབས་འབྲས་སྤུངས་བློ་གསལ་གླིང་སྤྲུལ་སྐུ་ལྷན་ཚོགས་ཀྱི་ལས་སྣེ་རྣམ་པས་བསུས་ཏེ་དུས་འཁོར་ཐང་ཆེན་གྱི་ཉེ་འགྲམ་དུ་ཆགས་པའི་གསོལ་མགྲོན་ཁང་ Seven Inn དུ་གདན་དྲངས།

༄༅།།  ༢༠༡༩ ཕྱི་ཟླ་ ༡༢ ཚེས་ ༡༠ ཕྱི་དྲོ་སློབ་དཔོན་ཟམ་གདོང་རིན་པོ་ཆེ་མཆོག་ཧུབ་ལི་གནམ་ཐང་དུ་ཕེབས་འབྱོར་སྐབས་འབྲས་སྤུངས་བློ་གསལ་གླིང་སྤྲུལ་སྐུ་ལྷན་ཚོགས་ཀྱི་ཚོགས་མི་དང་།  བློ་གསལ་གླིང་གྲྭ་ཚང་གི་ཕྱག་མཛོད།  འབྲས་སྤུངས་ཚ་བ་ཁམས་ཚན་གྱི་ལས་སྣེ་སོགས་ཀྱིས་བསུས་ཏེ་མོར་གོར་འབྲས་སྤུངས་བློ་གསལ་གླིང་ཚ་བ་ཁམས་ཚན་དུ་གདན་འདྲེན་ཞུས།

༄༅།།  ༢༠༡༩ ཕྱི་ཟླ་ ༡༢ ཚེས་ ༨ ཉིན་སྔ་དྲོ་སློབ་དཔོན་ཟམ་གདོང་རིན་པོ་ཆེ་མཆོག་བཞུགས་སྒར་དྷ་ས་ནས་ཕེབས་ཐོན་གྱིས་དིལླཱིར་འབྱོར།

༄༅།།  ༢༠༡༩ ཕྱི་ཟླ་ ༡༢ ཚེས་ ༧ ཉིན་ཀི་རྟིའི་དགེ་རྩ་ཚོགས་པ་དང་ཀིརྟིའི་བྱེས་པ་གྲྭ་ཚང་ཐུན་མོང་གི་གོ་སྒྲིག་འོག་བཞུགས་སྒར་ཀིརྟིའི་བྱེས་པ་གྲྭ་ཚང་དུ་འཇམ་མགོན་བླ་མ་ཙོང་ཁ་པ་ཆེན་པོ་སྐུ་མྱ་ངན་ལས་འདས་ཚུལ་བསྟན་ནས་མི་ལོ་ཧྲིལ་པོ་དྲུག་བརྒྱ་འཁོར་བའི་རྗེས་དྲན་དང་འབྲེལ་མ་འོངས་པའི་བསྟན་འཛིན་གྱི་སྐྱེས་བུ་རབ་བྱུང་ཕོ་མོ་ན་གཞོན་རྣམས་སྐྱེད་སྲིང་མཛད་སྟངས་ཀྱི་མཁས་པའི་བགྲོ་གླེང་ཆེན་མོ་ཐེངས་དང་པོ་ཉིན་གསུམ་རིང་བསྐྱངས་ཤིང་།

༄༅།།  ༢༠༡༩ ཕྱི་ཟླ་ ༡༡ ཚེས་ ༡༨ ཉིན་སྔ་དྲོ་གཱཾདྷཱིའི་རིག་སློབ་ཁང་ནས་ཕེབས་ཐོན་གྱིས་པབ་ནཱར་བསྟི་གནས་སུ་ཨཱཅཱརྱ་བིནོབཱ་བྷཱབེ་མཆོག་གི་བཞུགས་གནས་སུ་མཆོད་མཇལ་ཞུས།  དེ་ནས་ནཱག་པུར་ནས་གནམ་ཐོག་ཕེབས་ཐོན་གྱིས་སྦེང་ལོར་བརྒྱུད་ཕྱི་དྲོ་སེར་བྱེས་ལྭ་བ་ཁམས་ཚན་དུ་འབྱོར་སྐབས་འདུས་མང་དང་ཕྱོགས་མཐའ་ཁག་ནས་ཕེབས་པའི་འཇོལ་པ་མང་ཚོགས་ཀྱིས་བསུ་བ་རྒྱ་ཆེར་ཞུས།

༄༅།།  ༢༠༡༩ ཕྱི་ཟླ་ ༡༡ ཚེས་ ༡༤ ཉིན་སྔ་དྲོ་སློབ་དཔོན་ཟམ་གདོང་རིན་པོ་ཆེ་མཆོག་དིལླཱི་ནས་ཕེབས་ཐོན་གྱིས་སྦེང་ལོར་བརྒྱུད་ཕྱི་དྲོ་རྒྱ་གར་གྱི་མངའ་སྡེ་ཨཱདྷྲ་པྲདེཤའི་ཅིཏྟུར་རྫོང་ཁོངས་རྀ་ཥི་ཝེ་ལི་སློབ་གྲྭར་འབྱོར།