སེར་སྨད་གཙང་མཁྱེན་རབ་སངས་རྒྱས།   འཇམ་དབྱངས་ཀྱི་ཐུགས་དང་དབྱེར་མེད་པའི།། ཕྱག་ཆེན་གྱི་ལྟ་བ་འདོམས་མཁས་ཤིང་།། ༸སྐྱབས་མགོན་གྱི་རྒྱལ་བའི་སྲས་ཀྱི་མཆོག། དྲིན་ཅན་གྱི་བླ་མའི་ཞབས་ལ་འདུད། །

དྷ་ས། སོག་ཚང་ལེགས་བཤད། རྣམ་འདྲེན་ཤཱཀྱའི་ལུང་རྟོགས་བསྟན་པའི་ཆོས།། འཛིན་ཅིང་སྤེལ་ལ་དཔའ་བའི་བདག་ཉིད་ཆེ།། ལས་བསོད་རྟེན་འབྲེལ་སྨིན་པའི་རོལ་གར་ལས། འཕགས་མཆོག་ཕྱག་ན་པད་མོའི་སྲས་སུ་བྱོན།།

ནོར་གླིང་། གཡུ་སྒང་དགེ་འདུན། སྔོན་བྱོན་པཎ་གྲུབ་ཉི་མ་གཞོན་ནུའི་སྐུས།། སྙིང་རྗེའི་གཟི་བྱིན་གདོང་དམར་ཡུལ་དུ་འཕྲོས།། རིག་པའི་དབང་ཕྱུག་མི་ཡིའི་རྣམ་རོལ་བ།། ཟམ་གདོང་སྤྲུལ་པའི་རྐང་ཐུང་ཁྱོན་འདིར་འཛུམ།།

དྷ་ས། ཁ་ཏཱ་བསྟན་འཛིན་མགོན་པོ། གངས་ལྗོངས་བོད་ཀྱི་བསྟན་སྲིད་ཆེད་སྲུང་སླད།། མགོན་པོའི་བཀའ་བཞིན་སྒྲུབ་པའི་མཁས་དབང་མཆོག། འཇམ་དབྱངས་རྣམ་རོལ་མི་ཡི་ཤ་ཚུགས་ཅན།། ༸སྐྱབས་རྗེ་བླ་མའི་ཞབས་ལ་སྤྱི་བོས་འདུད།། 

རྩོམ་པ་པོ། ཞཱ་མིན། སྒྱུར་མཁན། གངས་ལྷ་མོ། རྒྱལ་སྤྱིའི་སྤྱི་ཚོགས་ནས་ངུར་སྨིག་གི་ཆོས་གོས་གྱོན་པའི་རབ་བྱུང་གཉིས་བོད་མིའི་ལས་དོན་དང་འགྲོ་བ་མིའི་ཐོབ་ཐང་གི་ཆེད་དུ་རྒྱལ་སྤྱིའི་སྡིངས་ཆའི་ཐོག་ནས་མཉམ་དུ་མངོན་བཞིན་བྲེལ་འཚུབ་ཀྱི་རྣམ་པ་ཞིག་རྒྱུན་དུ་མཐོང་བཞིན་ཡོད།

སྒྲོལ་མ་བཟང་མོ། ལོ་ ༡༥ འཛིན་རིམ་ ༡༠ དཔེ་སྟོན་སློབ་གྲྭ། ཤེས་བྱའི་གནས་ལ་མཁས་པའི་སློབ་དཔོན་ཟམ་གདོང་ཁྱེད། ། བོད་དང་བོད་ཀྱི་སྐད་ཡིག་མུན་སེལ་སྒྲོན་མེ་ཁྱེད། ། བོད་མི་ས་ཡ་དྲུག་གི་སྙིང་གི་ནོར་བུ་ཁྱེད། ། དེ་རིང་ཁྱེད་ཀྱི་འཁྲུངས་སྐར་འཚམས་འདྲིར་གུས་ཕྱག་འཚལ། །

མེ་ཏོག་སྒྲོལ་དཀར། འཛིན་རིམ་བཅུ་པ། རང་ལོ་ ༡༥ དཔེ་སྟོན་སློབ་གྲྭ། སྐད་རིགས་སྣ་ཚོགས་མཁས་པའི་མི་རྗེ་ཟམ་གདོང་མཆོག།། བཙན་བྱོལ་ནང་དུ་བོད་ཀྱི་སྐད་ཡིག་སླར་གསོ་གནང།། ཝཱར་ཎ་མཐོ་སློབ་ནང་དུ་སློབ་དཔོན་ཆོས་ཀྱིས་བསྐྱངས།། བོད་མི་ཚང་མས་ཁྱེད་རང་བཀའ་ཁྲིའི་ཁྲི་ལ་བཀོད།།

མིག་དམར་ཆོས་སྒྲོན། རང་ལོ་ ༡༥ འཛིན་གྲྭ་བཅུ་པ། དཔེ་སྟོན་སློབ་གྲྭ དགུང་ཨ་སྔོན་མཁའ་རུ་བསྙེགས་པའི་བྱ་ཁྱུང་རྒྱལ་པོ་ལགས།། བོད་ཁ་བ་ལྗོངས་ཀྱི་སྐད་ཡིག་རྒྱབ་རི་སྨུག་པོ་ལགས།། ཆ་མི་སྙོམས་འཇིག་རྟེན་འདི་ནང་འོད་སྣང་སྦྱིན་མཁན་ལགས།། ཐུགས་སྐྱོ་བའི་སྐབས་སུ་སེམས་གསོ་གནང་མཁན་ཁྱེད་ལ་འདུད།།

ངག་དབང་དབང་མོ། འཛིན་གྲྭ་ ༡༠ རང་ལོ་ ༡༤ དཔེ་སྟོན་སློབ་གྲྭ། གངས་ཅན་པ་ཡི་བླ་སྲོག་ལྟ་བུའི་བོད་ཀྱི་སྐད་ཡིག་རྒྱབ་བརྟེན་ལགས།། དཔེ་སྟོན་དགེ་ལས་སློབ་གསུམ་ཡོངས་ཀྱིས་རྟག་ཏུ་བཀུར་བའི་ཡབ་ཆེན་ལགས།། སྲོལ་རྒྱུན་བཟང་པོ་རྒྱུན་འཁྱོངས་གནང་མཁན་བཙན་བྱོལ་ཉི་མ་སེར་བོ་ལགས།། བྱ་བཟང་འདི་གསུམ་ལྡན་པའི་མཁས་པའི་དབང་བོ་མཆོག་ལ་སྙིང་ནས་འདུད།།